Taizé

2025 | Дзяленне і сведчанне праваслаўнай верай

Serge — 2025-08-07T18:46:34Z

Чацвёрты “тыдзень дзялення і сведчання праваслаўнай верай” пройдзе ў Тэзэ з 17 па 24 жніўня 2025 г.

Усе ўдзельнікі запрошаныя далучыцца да сталых элементаў, прадугледжаных праграмай сустрэч у Тэзэ: супольных малітваў, біблейскіх ўводзінаў, а пасля дзяленні па малых групах ды практычных абавязкаў.

Праваслаўныя літургічныя цэлебрацыі

• Аўторак, 19 жніўня, 06:30: Боская Літургія ва ўрачыстасць Перамянення Гасподняга (паводле юліянскага календара), у раманскім касцёле ў вёсцы

• Пятніца, 22 жніўня, 20:30: Боская Літургія ў Храме Паяднання

Дзелячыся праваслаўнае вераю

• Панядзелак і пятніца а 17:30: сустрэча праваслаўных хрысціянаў паводле пытанняў і зацікаўленасцяў

Сведчанне аб праваслаўнае веры

• Аўторак, 19 жніўня, 17:30. Ва ўрачыстасць Перамянення Гасподняга: няхай святло Хрыстова залечыць нашыя раны. Сведчанне ігумена Данілы (Паўлавіча) ды іераманаха Лазара з манастыра Дабравешчання ў Жытаміслічы (Боснія-Герцагавіна), які быў разбураны падчас вайны і адноўлены ў мірныя дні.

• Серада, 20 жніўня, 17:30. Шукаючы хрысціянскага адзінства. Сустрэча з айцом Пятром Лапатынскім, выкладчыкам Кіеўскай праваслаўнай багаслоўскай акадэміі, Украіна.

• Пятніца, 22 жніўня, 17:30. “Спашлі Духа Твайго на нас і на гэтыя дары”: кароткія ўводзіны да Бізантыйскае літургіі. Сустрэча з архімандрытам Ёанам Лена, выкладчыкам праваслаўнага літургічнага багаслоўя ў Праваслаўным багаслоўскім інстытуце святога Ірэнея, Нідэрланды.

• Субота, 23 жніўня, 15:15. Разуменне ікон, выяваў Уцелаўлення і сімвалаў Уваскрэсення. Сустрэча з іканапісцам, багасловам і аўтарам Элізабэт Эрыяр-Дзюбрэй.

• Субота, 25 жніўня, 17:30. Нікейскій сабор 1700 гадоў таму: якое значэнне ён мае для сённяшніх хрысціян? Сустрэча з праваслаўным багасловам, гісторыкам і перакладчыкам Норманам Расэлам.

2025 | Тыдзень разважанняў для моладзі 18-35 гадоў

Serge — 2025-07-26T07:17:07Z

Чарговы тыдзень разважанняў для 18-35-гадовае моладзі пройдзе ў Тэзэ з 24 па 31 жніўня 2025 г.

На дадзены тыдзень рэфлексіі мы запрашаем моладзь ва ўзросце 18-35 гадоў – студэнтаў, маладых спецыялістаў, валанцёраў, а таксама тых, хто шукае працу.

У сувязі з гэтай асаблівай праграмай мы просім старшакласнікаў, дарослых старэйшых за 35 гадоў і сем'і выбраць іншы тыдзень дзеля свайго побыту ў Тэзэ.

Тыповы распарадак дня

08:15 ранішняя малітва з разважаннем у Храме, а затым сняданак
10:15 тэматычныя семінары альбо практычныя абавязкі
12:20 паўдзённая малітва, потым пасілак
15:00 тэматычныя семінары альбо практычныя абавязкі
17:00 падвячорак
17:45 дзяленне ў малых групах
19:00 вячэра
20:30 вечаровая малітва

Тэматычныя семінары

Гэты тыдзень рэфлексіі для маладзёнаў ва ўзросце 18-35 гадоў характарызуецца вялікай разнастайнасцю сустрэч на розныя тэмы з лідарамі з розных слаёў грамадства.

Калі спыняешся ў Тэзэ на некалькі гадзін

Serge — 2025-07-19T11:32:26Z

Ніжэйшая інфармацыя адрасаваная асобам, якія жадаюць прыехаць у Тэзэ літаральна на гадзіну ці каля таго, не застаючыся ночыць. Калі ласка, прачытайце яе ўважліва – гэта дапаможа вам і тым, хто прыедзе з вамі, падрыхтаваць свой візіт.

Калі вы прыязджаеце ў Тэзэ, вас вітаюць у доме Супольнасці братоў, якая з самага пачатку імкнулася аб'яднаць жыццё ў еднасці з Богам з імкненнем зрабіць усё, каб спрыяць росту міру і даверу ў чалавечае сям'і.

Кожны, хто прыязджае прыняць удзел у сустрэчах у Тэзэ, далучаецца да братоў на супольным набажэнстве – ранішнім, апоўдні і ўвечары – якое з'яўляецца цэнтрам іх абшчыннага жыцця. Нават калі вы праводзіце ў Тэзэ толькі некалькі гадзін, вы таксама можаце прыняць удзел у гэтых малітвах.

Падчас вашага візіту таксама варта знайсці час, каб сустрэцца з кім-небудзь з каманды прыёму і паглядзець адзін з відэафільмаў працягласцю каля 15 хвілін, якія крыху больш тлумачаць пра тое, што адбываецца ў Тэзэ.

Вы таксама можаце прачытаць штогадовае пасланне, якое штотыднёва выкарыстоўваецца на моладзевых сустрэчах.

Большасць людзей, якія прыязджаюць у Тэзэ, удзельнічаюць у тыднёвых сустрэчах, якія цягам усяго года праходзяць з нядзелі да нядзелі. Для атрымання больш падрабязнай інфармацыі пра Абшчыну братоў або аб штотыднёвых сустрэчах, калі ласка, адкрыйце старонку Інфармацыя і зарэгіструйцеся паводле пададзенае там інфармацыі.

Тыднёвы расклад

З панядзелка па пятніцу

08:00	Ранішняя малітва, пасля якой сняданак
10:00	Уводзіны ў дзень разам з адным з братоў Абшчыны, пасля чаго рэфлексія ў цішыні альбо падзел па малых дыскусійных групах
12:20	Паўдзённая малітва, пасля якой абед
14:00	Рэпетыцыя хору для тых, хто спявае
15:30	Практычныя абавязкі / міжнародныя малыя групы дзялення
17:15	Падвячорак
17:45	Тэматычныя семінары
19:00	Вячэра
20:20	Вечаровая малітва, пасля якой чуванне са спевамі ў Храме

Пятніца: вечаровая малітва, пасля якой адбываецца малітва вакол Крыжа.
Субота: вечаровая малітва са свечкамі напамін пасхальнае таямніцы.
Нядзеля:

08:45	Сняданак
10:00	Эўхарыстыя (каталіцкая Літургія)
13:00	Абед
19:00	Вячэра
20:20	Вечаровая малітва

Калі вы прыязджаеце ў Тэзэ толькі на некалькі гадзін, лепш за ўсё наведаць вёску раніцай. Гэта дазволіць вам прыняць удзел у паўдзённае малітве а 12:20 (у буднія дні) або ў Эўхарыстыі а 10:00 (у нядзелю);

Будні
плануйце прыбыць каля 10:00/10:30, затым сустрэцца з кімсьці з каманды прыёму, каб атрымаць магчымасць пачуць нешта пра жыццё Супольнасці і моладзевыя сустрэчы, а затым паглядзець кароткі відэаролік пра Тэзэ.
12:20 паўдзённая малітва

Нядзеля
плануйце прыбыць каля 09:30 / 09:45
10:00 Эўхарыстыя
11:30 сустрэча з кімсьці з каманды прыёму, каб атрымаць магчымасць пачуць нешта пра жыццё Супольнасці і моладзевыя сустрэчы, а затым паглядзець кароткі відэаролік пра Тэзэ.

Запрашаем вас таксама застацца на адзін з пасілкаў. Гэтыя стравы (≈ 5 € з чалавека) вельмі простыя і падаюцца на адкрытым паветры. Вядома, вы можаце ўзяць з сабой уласны спакаваны пасілак, калі хочаце. Калі вы жадаеце правесці ў Тэзэ цэлы дзень, вам трэба будзе зрабіць свой унёсак на аплату выдаткаў, зыходзячы са штодзённага ўнёску, прапанаванага для тых, хто спыняецца ў Тэзэ (інфармацыю можна знайсці на гэтае старонцы альбо ў іншых інфармацыйных матэрыялах).

Мы можам быць дастаткова эластычнымі адносна праграмы вашага візіту. Вы можаце прыехаць на вечаровую малітву, што таксама магчыма. Субота, бадай, самы прыдатны для гэтага дзень. У любым выпадку, калі ласка, патэлефануйце або напішыце нам па электроннай пошце, перш чым узгадняць канчатковыя дэталі вашага дня.

Калі ўсё будзе вырашана, запоўніце анлайн-рэгістрацыйную форму. Паколькі вы не будзеце заставацца начаваць, няма неабходнасці ўказваць падрабязную інфармацыю аб кожным чалавеку, калі вы прыязджаеце з групай. Калі ласка, проста пазначце ў самым канцы рэгістрацыйнае формы, на старонцы «Summary», колькі чалавек вы плануеце прывесці.

Калі вам трэба будзе адмяніць свой візіт або калі вы зменіце час прыбыцця ў апошні момант, паведаміце нам аб гэтым.

Побыт у Тэзэ з падлеткамі 15-17 гадоў

Serge — 2025-06-21T14:45:08Z

У сустрэчах у Тэзэ можа прымаць удзел таксама непаўнагадовая моладзь. Калі вы плануеце прыехаць з моладзевай групай, калі ласка, запазнайцеся з гэтае інфармацыяй.

15-17-гадовыя падлеткі: могуць прымаць удзел у сустрэчах у Тэзэ пры суправаджэнні адпаведнае асобы (гл. ніжэй).

Моладзь ва ўзросце да 15 гадоў: можа ўдзельнічаць у сустрэчах у Тэзэ, арганізаваных для сем'яў, перабываючы пад наглядам бацькоў.

Слоўнік

Кіраўнік/лідар групы: дарослы, які нясе галоўную і поўную адказнасць за групу маладзёнаў, каардынуючы дзейнасць усіх астатніх апякуноў.

Кантактная асоба: дарослы, які адказвае за малую групу абмену, дапамагае ў паўсядзённае дзейнасці гэтае групы і сочыць за тым, каб усе падлеткі ўдзельнічалі ў праграме сустрэчы. Гэты чалавек забяспечвае сувязь паміж рознымі малымі групамі і тым, хто праводзіць біблейскія разважанні.

Апякун (supervisor): дарослы, прызначаны кіраўніком/лідарам групы, каб дапамагаць апекавацца групаю моладзі днём і ноччу. Для груп, якія складаюцца з хлопчыкаў і дзяўчынак, неабходныя апякуны абодвух палоў: мужчына і жанчына

Законны апякун: дарослы член групы, абраны бацькамі падлеткаў і здольны прымаць рашэнні за непаўнагадовага ў выпадку неабходнасці, перш за ўсё ў пытаннях медыцыны, якія маладзён не можа прыняць самастойна.

Звярніце ўвагу, што адна і тая ж асоба можа мець некалькі функцый. Напрыклад, кантактнай асобай можа быць апякун і законны апякун.

Бацькоўскі дазвол

Дзеля таго, каб удзельнічаць у моладзевых сустрэчах у Тэзэ непаўнагадовыя мусяць мець з сабой пісьмовы дазвол ад бацькоў. Гэтым дазволам бацькі вызначаюць законнага апякуна свайму дзіцяці на час побыту з належным яму правам прымаць медыцынскія рашэнні ў выпадку неабходнасці. Гэтая асоба павінна быць даступная па мабільным тэлефоне, а маладзёны на працягу ўсяго знаходжання ў Тэзэ павінны мець дазвол пры сабе. Тутака вы знойдзеце бланк, які трэба падпісаць і мець з сабою. Акрамя таго, паклапаціцеся загадзя, каб праверыць неабходнасць наяўнасці дазволу на выезд вашага непаўнагадовага дзіцяці за мяжу.

Кантактныя асобы

Для моладзевых груп, у склад якіх уваходзяць падлеткі ва ўзросце 15-17 гадоў, існуе патрэба ў адной кантактнай асобе на кожныя 10 падлеткаў (пажадана, каб апякун меў ад 20 да 35 гадоў; калі тое немагчыма - можа быць старэйшы), каб дапамагаць у правядзенні пунктаў праграмы сустрэч. Гэтыя апякуны адказваюць за малую групу абмену, дапамагаюць у паўсядзённае дзейнасці гэтае групы і сочаць за тым, каб усе падлеткі ўдзельнічалі ў праграме. Пры рэгістрацыі гэтых людзей трэба дадаць у рэгістрацыйную форму ў якасці ўдзельнікаў праграмы для 15-17-гадовых.

Малыя групы фармуюцца ў панядзелак або на наступны дзень пасля прыбыцця ў Тэзэ. Малая група ўтвараецца прыкладна з дзясяці маладых людзей з розных іншых моладзевых груп, якія прыехалі ў Тэзэ. Яны сустракаюцца раніцай і ўдзень. Штодзённа адзін з братоў або нехта, абраны Абшчынаю Тэзэ, будзе тлумачыць алгарытм дзейнасць малых груп.

Кантактныя асобы, нават калі яны старэйшыя за 35 гадоў, мусяць быць зарэгістраваныя ў праграме для падлеткаў 15-17 гадоў. Яны могуць зрабіць такі ж фінансавы ўнёсак, як і моладзь.

Рассяленне

Паводле правілаў, якія дзейнічаюць ува Францыі, мы забяспечваем рассяленне непаўнагадовых асобна ад дарослых. За гэта адказнасць нясе кіраўнік/лідар групы.

Каб маладыя людзі паводзілі сябе належным чынам і добра высыпаліся, апякуны рассяляюцца побач.

Апякуны, нават калі яны старэйшыя за 35 гадоў, мусяць быць зарэгістраваныя ў праграме для падлеткаў 15-17 гадоў. Яны могуць зрабіць такі ж фінансавы ўнёсак, як і моладзь.

Звярніце ўвагу, што, калі апякуну старэйшаму за 35 гадоў, патрэбнае асобнае рассяленне, у рэгістрацыйнае форме ўпішыце такога чалавека ў графу «adults/дарослыя», пазначаючы ў каментарыі, што гэта «supervisor/апякун»).

Юрыдычныя аспекты асабістае бяспекі

Кіраўнік групы, які прыязджае ў Тэзэ з непаўнагадовымі, павінен пераканацца, што ўсе, хто суправаджае непаўнагадовую моладзь у яго групе, могуць бяспечна працаваць з непаўнагадовымі. Калі ласка, азнаёмцеся з патрабаваннямі заканадаўства РБ для асобаў, якія суправаджаюць непаўнагадовых, пагадзіцеся з імі і вазьміце з сабой усе неабходныя дакументы. Вас могуць папрасіць прадставіць тыя дакументы падчас прыёму ў Тэзэ.

Рэкамендуем запазнацца з інфармацыяй Дзяржаўнага пагранічнага камітэта Рэспублікі Беларусь Правілы перасячэння граніцы з дзецьмі.

Кіраўнік/лідар групы павінен забяспечыць прысутнасць усіх кантактных асоб і апякуноў групы падлеткаў падчас тлумачальнай сустрэчы перад першымі біблійнымі ўводзінамі. Па прыбыцці вам скажуць, дзе і калі гэта адбудзецца. У тракце гэтае сустрэчы будзе прадастаўлена важная інфармацыя адносна мер бяспекі падчас працы з малымі групамі.

Калі ласка, прачытайце таксама інфармацыю на старонках Санітарныя пытанні ды Пытанні бяспекі.

Пасілкі і дыета

Serge — 2025-06-07T11:06:33Z

Большасць страў у Тэзэ вегетарыянскія, а ўсе абеды – веганскія. У некаторыя вечары падчас пасілкаў даступныя мясныя стравы.

Адмысловая дыета

Побач з пакоем 10 ёсць спецыяльная чарга для ўсіх (у тым ліку дарослых), каму патрэбныя стравы без глютэна, лактозы, солі або арэхаў. Падрабязную інфармацыю пра меню, прыгатаванае на вялікае кухні, можна атрымаць у Casa і ў пункце выдачы дыетычных страў.

Калі ласка, праверце, ці падыходзяць вам гэтыя стравы, і калі не, запішыцеся на спецыяльнае дыетычнае меню адразу пасля ранішняе малітвы, да 09:15 раніцы, побач з пакоем 10. Кухня павінна ведаць, колькі спецыяльных страў варта прыгатаваць.

Каб даведацца больш пра канкрэтныя харчовыя алергіі, звярніцеся ў El Abiodh, каб атрымаць інфармацыю пра магчымыя варыянты.

[1]

[1] Здымак: Cédric Nisi

Тыдзень разважанняў і абмену для медыкаў ды студэнтаў медыцынскіх спецыяльнасцяў

Serge — 2025-05-17T18:01:27Z

Гэты тыдзень разважанняў пройдзе ў Тэзэ з 31 жніўня па 7 верасня 2025 г..

Прапановы на гэты тыдзень:

- Слухаючы Хрыста і Яго слова
- Абмен вопытам са спецыялістамі з іншых краін
- Разважанне і абмеркаванне этычных праблем, якія тычацца медыцынскай прафесіі
- Адкрыццё цішыні як рэсурсу

На старонцы ўжо адкрытая рэгістрацыя. У раздзеле «Participant's commentaries», калі ласка, зазначце, што вы ўдзельнічаеце ў тыдні разважанняў і абмену меркаваннямі для медыцынскіх работнікаў (week on reflection and sharing for health care workers). Калі ласка, таксама пазначце сваю прафесію і два-тры пытанні, якімі хочаце падзяліцца.

Калі вам патрэбна дадатковая інфармацыя, звяртайцеся на скрынку E-mail.

Цягніком і аўтобусам

Serge — 2025-03-20T13:30:47Z

Калі вы прыязджаеце ...

з Парыжа
варта выбраць у якасці чыгуначнае станцыі прыбыцця Mâcon-Loché TGV, якая з'яўляецца найбліжэйшаю да Тэзэ.
Звярінцу ўвагу: кошты квіткоў на хуткасныя цягнікі (TGV) істотна адрозніваюцца ў залежнасці ад таго, калі вы іх набудзеце. Больш павольныя цягнікі са станцыі Paris-Bercy альбо Paris-Austerlitz да Mâcon-Ville часцяком будуць каштаваць меней у параўнанні з тым, калі вы не здолелі набыць квіткі загадзя наконадні падарожжа.

Змена цягнікоў у Парыжы

Глядзі гэтую карысную старонку http://www.seat61.com/Paris-metro.h...
як даехаць з вакзала Gare du Nord да вакзала Gare de Lyon, паглядзі гэты фільмік

з Ліёна
выбірайце ў якасці свайго пункта прызначэння альбо станцыю Mâcon-Ville, альбо станцыю Mâcon-Loché TGV.

са швейцарскае Жэневы
выбірайце ў якасці свайго пункта прызначэння альбо станцыю Mâcon-Ville, альбо станцыю Mâcon-Loché TGV (праз Lyon Part-Dieu альбо Bourg-en-Bresse).

з французскага Страсбурга
выбірайце ў якасці свайго пункта прызначэння горад Chalon-sur-Saône. Таксама існуюць некалькі магчымых варыянтаў са Страсбурга праз Парыж да Mâcon-Ville ды Mâcon-Loché TGV.

Далейшае падарожжа рэгіянальнымі лініямі

з чыгуначных станцый Mâcon-Ville, Mâcon-Loché TGV ды Chalon-sur-Saône
да вёскі Тэзэ курсуе аўтобус LR 701 мясцовае лініі Mobigo (глядзіце ніжэй далучаныя файлы pdf з раскладам руху гэтай аўтобуснай лініі). Раім вам набываць квіток у аўтобусе, непасрэдна ў кіроўцы, бо ў сеціве ён будзе даражэйшы. Квіток каштуе 1,50 €.

Лакалізацыя на мапе месца адпраўлення аўтобусаў рэгіянальных ліній:
Chalon-sur-Saône: Аўтастанцыя побач з чыгуначным вакзалам
Mâcon-Ville: Аўтастанцыя у задняй частцы чыгуначнай станцыі
Mâcon Loché TGV: Адразу перад будынкам вакзала

Звярніце ўвагу, што не ўсе аўтобусы прывязаныя да раскладу цягнікоў (расклад ніжэй). Калі не будзе аўтобусу, калі вы прыедзеце на станцыю, вам будзе неабходна ўзяць таксоўку ці маршрутку, якія значна даражэйшыя за аўтобус. Падрабязней глядзі тут.

Кошты і расклады цягнікоў можна паглядзець у сеціве на розных старонках. Бронь большасці квіткоў падарожжаў магчымая праз сеціва, не выходзячы з дому. Памятайце таксама пра тое, што квіткі будуць тым таннейшыя, чым раней вы іх набудзеце.

Карысныя старонкі ў сеціве

- SNCF (ангельскаю): http://en.voyages-sncf.com/en/ ці (французскаю): http://www.voyages-sncf.com/billet-train.
- Дзеля больш падрабязнае інфармацыі наконт маршруту аўтобуса лініі LR701, які курсуе паміж чыгуначнымі станцыямі Mâcon-Ville, Mâcon-Loché TGV ды Chalon-sur-Saône да вёскі Тэзэ, зазірніце на гэтую старонку.
- Расклад http://www.voyages-sncf.com/service... (толькі па-французску):
- Міжнародны расклад нямецкае чыгункі Deutsche Bahn (па-нямецку) (па-ангельску)

Расклад мясцовага аўтобуса LR 701 лініі Mobigo, каб дабрацца наўпрост да вёскі Тэзэ:


2024.09.02 > 2025.07.04


2025.07.05 > 2025.08.31

Часовая змена з 24 па 28 сакавіка 2025 г.

У сувязі з работамі на дарозе RD 981 у камуне Massilly, з 24 па 28 сакавіка 2025 г. рух па LR 701 будзе дзейнічаць са зменамі, а прыпынкі Taizé ды Ameugny не будуць абслугоўвацца.

Дакладную інфармацыю можна прачытаць на старонцы Mobigo.

Карысныя спасылкі

Каб паглядзець больш дакладную інфармацыю пра цягнікі, перайдзіце на гэтую старонку SNCF.
Каб падрабязней дазнацца пра графік руху аўтобусаў лініі Mobigo, прыпынкі, інфармацыю наконт руху ды іншыя рэчы, перайдзіце на гэтую старонку.

Справаздача аб дзейнасці «Групы прыёму і маніторынгу справаздач» за 2024 год

Serge — 2025-03-17T21:51:32Z

Часткаю місіі Групы прыёму і маніторынгу справаздач з'яўляецца раз на год публічна справаздачыцца аб сваёй дзейнасці. Ніжэй справаздача аб дзейнасці, падрыхтаваная гэтай камандай за 2024 год.

па-французску:

Rapport d'activité en format PDF


fr

па-ангельску:

Activity report in PDF format


en

2025 | Група валанцёрскіх пар

Serge — 2025-03-13T20:43:05Z

Летам у 2025 годзе аднаўляецца работа валанцёрскага атрада, які фармуецца з сямейных пар ва ўзросце да 35 гадоў і без дзяцей.

Штодзённае жыццё будзе складацца, як і для іншых валанцёраў, з удзелу ў малітвах тройчы на дзень, набажэнствах, звязаных з сустрэчамі ды супольным жыццём групы (пасілкі, час на разважанні і дзяленне, хатнія абавязкі). Рассяленне будзе сціплым, асобным, у адным з дамоў, якія прызначаныя на сустрэчы.

Быць часткаю гэтае групы будзе азначаць:

□ заставацца ў Тэзэ, пасля выпрабавальнага перыяду, на працягу 3 месяцаў (у некаторых сітуацыях магчымы й карацейшы побыт);
□ быць адкрытым і даступным цягам побыту ў Тэзэ;
□ актыўна ўдзельнічаць у супольным жыцці групы і ўзбагачаць яе.

Пры неабходнасці вас можа суправаджаць асоба, якая будзе побач, каб выслухаць вас асабіста, а пры жаданні вы зможаце правесці тыдзень у цішыні.

Гэтая група валанцёраў будзе задзейнічана з чэрвеня па верасень 2025 г..

Калі вас зацікавіла гэтая прапанова, калі ласка, запоўніце форму ніжэй і адпраўце яе нам на скрынку longerstay taize.fr. Колькасць месцаў абмежаваная. Мы адкажам тым, хто падае заяўкі, у адпаведнасці з нашай магчымасцю прыняць іх.


Volunteer couples application form

2025 | Даты сустрэч у Тэзэ

Serge — 2025-02-04T14:36:54Z

Калі ласка, уважліва запазнайцеся з датамі сустрэч, у якіх вы хочаце прыняць удзел, і прымайце тое да ўвагі перад рэгістрацыяй.

Моладзевыя сустрэчы

▪ Моладзь ва ўзросце 18-35 гадоў: можа прыязджаць у кожны з тыдняў паміж 2 лютага а 24 снежня. Звярніце ўвагу: цягам гэтага года будзе адмысловы тыдзень – 24-31 жніўня, – прысвечаны выключна маладзёнам ва ўзросце 18-35 гадоў.
▪ Падлеткі ва ўзросце 15-17 гадоў: могуць прыехаць у кожны з тыдняў паміж 2 лютага а 24 снежня, акрамя тыдня 24-31 жніўня.

Сустрэчы распачынаюцца з другой паловы нядзелі і трываюць да наступнае нядзелі. Ад гэтага “нядзельнага правіла” існуюць выключэнні: Вялікдзень, калі вялікодны панядзелак з'яўляецца днём прыбыцця і выезду гасцей. У 2025 г. тымі датамі будуць:

▪ Вялікі тыдзень: нядзеля, 13 красавіка – панядзелак, 21 красавіка;
▪ Вялікодны тыдзень: панядзелак, 21 красавіка – нядзеля, 27 красавіка.

Існуе магчымасць прыбыцця ў другой палове суботы, калі маладзён застаецца на наступны тыдзень. У такой сітуацыі мы просім такія асобы дапамагчы нам у прыняцці асобаў, якія прыедуць у нядзелю.

Існуе магчымасць прыехаць і застацца толькі на другую частку тыдня, з чацвярга ці пятніцы да нядзелі, але значна лепей прыехаць усё-ткі на ўвесь тыдзень. Перабыванне ж ад суботняе раніцы да нядзелі будзе занадта кароткім, каб увайсці ў рытм жыцця Тэзэ.

Сустрэчы для дарослых

У 2025 г. дарослыя асобы, старэйшыя за 35 гадоў, могуць прыязджаць да нас ад нядзелі, 6 красавіка да нядзелі, 19 кастрычніка, акрамя тыдня 24-31 жніўня.

Мы просім дарослых, якія могуць сабе тое дазволіць, пазбягаць асабліва загружаных тыдняў цягам года: Вялікі тыдзень, Вялікодны тыдзень, Унебаўшэсце Пана (25 траўня - 1 чэрвеня), а таксама часу з паловы ліпеня да 24 жніўня. Меней загружанымі тыднямі будуць: 6-13 красавіка, 27 красавіка - 24 траўня, 1 чэрвеня - 13 ліпеня ды 31 жніўня - 19 кастрычніка.

Сустрэчы для дарослых заўсёды адбываюцца ад нядзелі да наступнае нядзелі. Ад гэтага “нядзельнага правіла” існуюць выключэнні: Вялікдзень, калі вялікодны панядзелак з'яўляецца днём прыбыцця і выезду гасцей. У 2025 г. тымі датамі будуць:

▪ Вялікі тыдзень: нядзеля, 13 красавіка – панядзелак, 21 красавіка;
▪ Вялікодны тыдзень: панядзелак, 21 красавіка – нядзеля, 27 красавіка.

(Існуе магчымасць прыехаць і застацца толькі на другую частку тыдня, з чацвярга ці пятніцы да нядзелі, але значна лепей прыехаць усё-ткі на ўвесь тыдзень. Перабыванне ж ад суботняе раніцы да нядзелі будзе занадта кароткім, каб увайсці ў рытм жыцця Тэзэ.)

Перад планаваннем сваёй паездкі і рэгістрацыяй, калі ласка, уважліва прачытайце інфармацыю на старонцы.

Сустрэчы для сем'яў з дзецьмі

На 2025 г. запланаваныя некалькі тэрмінаў сустрэч для сем'яў з дзецьмі – бацькоў з дзецьмі да 15 гадоў. Рэгістрацыя на побыт сем'яў распачнецца 3 лютага 2025 г.

N.B. Уведзена істотная змена! З гэтага часу днём прыёму для сямейных сустрэч у Olinda будзе панядзелак, пачынаючы з 15:00. Праграма сустрэч будзе пачынацца ў панядзелак і трываць да нядзелі, а не так, як для моладзі і дарослых у Тэзэ – ад нядзелі да нядзелі. Гэтая змена дазволіць нам лепей падрыхтаваць прыём усіх сем'яў.

Дадзеныя сустрэчы ў 2025 г. адбудуцца цягам наступных тыдняў:

▪ з панядзелка, 21 красавіка да нядзелі, 27 красавіка
▪ з панядзелка, 9 чэрвеня да панядзелка, 15 чэрвеня
▪ штотыднёва ад панядзелка, 30 чэрвеня да нядзелі, 24 жніўня

Акрамя адмысловых тыдняў сямейных сустрэч, з 28 красавіка па 29 чэрвеня, а таксама з 31 жніўня па 19 кастрычніка мы зможам размясціць абмежаваную колькасць сем'яў на паўтыдня. Такія сем'і будуць браць удзел у сустрэчах для дарослых, і мы просім сем'і прыязджаць альбо на тры ночы (нядзеля-серада) альбо на тры ночы (чацвер-нядзеля). У прамежку 3-6 тыдняў перад датаю запланаванае паездкі, калі ласка, звяжыцеся з намі, каб атрымаць інфармацыю наконт магчымасці вашага побыту ў выбраных датах.

Калі ласка, перад вашым побытам і рэгістрацыяю, уважліва прачытайце інфармацыю са старонкі Сустрэчы для сем'яў.