Taizé

Цягніком і аўтобусам

Serge — 2025-03-20T13:30:47Z

Калі вы прыязджаеце ...

з Парыжа
варта выбраць у якасці чыгуначнае станцыі прыбыцця Mâcon-Loché TGV, якая з'яўляецца найбліжэйшаю да Тэзэ.
Звярінцу ўвагу: кошты квіткоў на хуткасныя цягнікі (TGV) істотна адрозніваюцца ў залежнасці ад таго, калі вы іх набудзеце. Больш павольныя цягнікі са станцыі Paris-Bercy альбо Paris-Austerlitz да Mâcon-Ville часцяком будуць каштаваць меней у параўнанні з тым, калі вы не здолелі набыць квіткі загадзя наконадні падарожжа.

Змена цягнікоў у Парыжы

Глядзі гэтую карысную старонку http://www.seat61.com/Paris-metro.h...
як даехаць з вакзала Gare du Nord да вакзала Gare de Lyon, паглядзі гэты фільмік

з Ліёна
выбірайце ў якасці свайго пункта прызначэння альбо станцыю Mâcon-Ville, альбо станцыю Mâcon-Loché TGV.

са швейцарскае Жэневы
выбірайце ў якасці свайго пункта прызначэння альбо станцыю Mâcon-Ville, альбо станцыю Mâcon-Loché TGV (праз Lyon Part-Dieu альбо Bourg-en-Bresse).

з французскага Страсбурга
выбірайце ў якасці свайго пункта прызначэння горад Chalon-sur-Saône. Таксама існуюць некалькі магчымых варыянтаў са Страсбурга праз Парыж да Mâcon-Ville ды Mâcon-Loché TGV.

Далейшае падарожжа рэгіянальнымі лініямі

з чыгуначных станцый Mâcon-Ville, Mâcon-Loché TGV ды Chalon-sur-Saône
да вёскі Тэзэ курсуе аўтобус LR 701 мясцовае лініі Mobigo (глядзіце ніжэй далучаныя файлы pdf з раскладам руху гэтай аўтобуснай лініі). Раім вам набываць квіток у аўтобусе, непасрэдна ў кіроўцы, бо ў сеціве ён будзе даражэйшы. Квіток каштуе 1,50 €.

Лакалізацыя на мапе месца адпраўлення аўтобусаў рэгіянальных ліній:
Chalon-sur-Saône: Аўтастанцыя побач з чыгуначным вакзалам
Mâcon-Ville: Аўтастанцыя у задняй частцы чыгуначнай станцыі
Mâcon Loché TGV: Адразу перад будынкам вакзала

Звярніце ўвагу, што не ўсе аўтобусы прывязаныя да раскладу цягнікоў (расклад ніжэй). Калі не будзе аўтобусу, калі вы прыедзеце на станцыю, вам будзе неабходна ўзяць таксоўку ці маршрутку, якія значна даражэйшыя за аўтобус. Падрабязней глядзі тут.

Кошты і расклады цягнікоў можна паглядзець у сеціве на розных старонках. Бронь большасці квіткоў падарожжаў магчымая праз сеціва, не выходзячы з дому. Памятайце таксама пра тое, што квіткі будуць тым таннейшыя, чым раней вы іх набудзеце.

Карысныя старонкі ў сеціве

- SNCF (ангельскаю): http://en.voyages-sncf.com/en/ ці (французскаю): http://www.voyages-sncf.com/billet-train.
- Дзеля больш падрабязнае інфармацыі наконт маршруту аўтобуса лініі LR701, які курсуе паміж чыгуначнымі станцыямі Mâcon-Ville, Mâcon-Loché TGV ды Chalon-sur-Saône да вёскі Тэзэ, зазірніце на гэтую старонку.
- Расклад http://www.voyages-sncf.com/service... (толькі па-французску):
- Міжнародны расклад нямецкае чыгункі Deutsche Bahn (па-нямецку) (па-ангельску)

Расклад мясцовага аўтобуса LR 701 лініі Mobigo, каб дабрацца наўпрост да вёскі Тэзэ:


2024.09.02 > 2025.07.04


2025.07.05 > 2025.08.31

Часовая змена з 24 па 28 сакавіка 2025 г.

У сувязі з работамі на дарозе RD 981 у камуне Massilly, з 24 па 28 сакавіка 2025 г. рух па LR 701 будзе дзейнічаць са зменамі, а прыпынкі Taizé ды Ameugny не будуць абслугоўвацца.

Дакладную інфармацыю можна прачытаць на старонцы Mobigo.

Карысныя спасылкі

Каб паглядзець больш дакладную інфармацыю пра цягнікі, перайдзіце на гэтую старонку SNCF.
Каб падрабязней дазнацца пра графік руху аўтобусаў лініі Mobigo, прыпынкі, інфармацыю наконт руху ды іншыя рэчы, перайдзіце на гэтую старонку.

Супольна падарожнічаючы

Serge — 2024-12-14T08:33:08Z

Незалежна ад таго, едзеце вы на сваёй машыне ці жадаеце скарыстацца з аўтамабіля некага іншага, адным з варыянтаў з'яўляецца сумесная паездка ў Тэзэ.

Цяперака існуе магчымасць апублікаваць інфармацыю пра сваё падарожжа, каб прыцягнуць больш пасажыраў, або знайсці некага, да каго можна далучыцца, на старонцы для сумеснага выкарыстання аўтамабіляў, у прыватнасці па гэтым адрасе. Існуюць таксама іншыя платформы для сумеснага выкарыстання аўтамабіляў, але менавіта гэтая на дадзены момант з'яўляецца найбольш развітай у Заходняе Еўропе.

Гэтая ініцыятыва з'яўляецца часткаю нашых намаганняў па скарачэнні вугляроднага следу міжнародных сустрэч у Тэзэ.

Як самастойна дабрацца да Тэзэ: аўтобусы з Польшчы

Serge — 2024-02-21T18:13:05Z

Штотыднёвыя паездкі туды-назад да Тэзэ

У паразуменні з Супольнасцю Тэзэ польскае бюро падарожжаў MARGO TRAVEL арганізуе паездкі да Тэзэ ў два бакі. Дакладную дэталёвую інфармацыю знойдзеш на гэтае старонцы (па-польску).

Усе асобы, зацікаўленыя тым, каб сёлета прыехаць да Тэзэ, мы заахвочваем пазнаёміцца з інфармацыяю на старонцы Побыт у Тэзэ.

ВЯЛІКДЗЕНЬ 2024:

Выезд да Тэзэ ў чацвер 28.03 з Уроцлава а 00:15
прыбыццё ў Тэзэ ў чацвер вечарам.
Выезд з Тэзэ ў нядзелю 31.03 а 21:30,
прыезд да Польшчы ў панядзелак 01.04 у другой палове дня.

ЛЕТНІЯ ВАКАЦЫІ 2024:

Кожную суботу ў перыяд ад 29.06 да 31.08 з Уроцлава альбо іншых гарадоў:
прыезд да Тэзэ ў нядзелю;
выезд з Тэзэ ў перыяд ад 08.07 да 09.09 па нядзелях увечары (пасля вечаровае малітвы);
вяртанне ў Польшчу ў панядзелак пасля апоўдня.

Сёлета аўтобусы будуць курсаваць паводле наступнага раскладу:

29.06.2024 - 08.07.2024

06.07.2024 - 15.07.2024

13.07.2024 - 22.07.2024

20.07.2024 - 29.07.2024

27.07.2024 - 05.08.2024

03.08.2024 - 12.08.2024

10.08.2024 - 19.08.2024

17.08.2024 - 26.08.2024

24.08.2024 - 02.09.2024

31.08.2024 - 09.09.2024

Дзень выезду з Польшчы ў суботу, вяртанне ў Польшчу ў панядзелак.

Кошт у абодва бакі (з Уроцлава): 650 zł
з Гданьска, Варшавы і Жэшува: 850 zł
з Лодзі, Кракава, Познані: 800 zł
з Аполя, Лешна, Равіча, Катавіцаў: 750 zł

Актуальны курс польскага злотага ў дачыненні да беларускага рубля можна паглядзець на старонцы Нацыянальнага Банку Рэспублікі Беларусь.

Як самастойна дабрацца да Польшчы цягніком, можна паглядзець на старонцы Беларускае чыгункі. Расклад аўтобуснага руху ў Польшчу можна паглядзець на розных старонках, напрыклад тут.

Калі табе ад 18 да 29 гадоў і ты жадаеш прыехаць да нас, больш чым як на адзін тыдзень у якасці валанцёра, калі ласка, перадусім скантактуйся з намі і даведайся, ці гэта магчыма ў тваім выпадку, а перад гэтым запазнайся з інфармацыяй на старонцы пра валантарыят у Тэзэ.

Сустрэчы моладзі ў Тэзэ, Communauté de Taizé, 71250 Taizé, France
Тэл. (+33) 385 50 30 04 (10.00-12.00 i 17.00-19.00)
факс: (+33) 385 50 30 16
e-mail: info.by taize.fr альбо spotkania taize.fr

Даты свайго побыту ў вёсцы маюць быць узгодненыя з намі, і ўжо толькі пасля гэтага варта звярнуцца да бюро падарожжаў.

Дзеля таго, каб зарэзерваваць сабе месца ў аўтобусе, мусіш спачатку зарэгістравацца на старонцы Тэзэ і атрымаць ад нас свой код рэгістрацыі BY**-**-****** на сваю электронную скрынку - без гэтага паездка не будзе магчымаю.

Канкрэтныя дэталі наконт варункаў і тэрмінаў падарожжаў можна паглядзець на старонках бюро падарожжаў Margo Travel альбо таксама тут.

Рэзервацыя месцаў ў аўтобусе:
MARGO TRAVEL
ul. Sienkiewicza 73/1
50-349 Wrocław

Бюро працуе:
кожнага дня ад панядзелкa да пятніцы, ад 8.00 раніцы да 18.00 увечары.
Тэл. (071) 792 17 63, Тэл./Факс: (071) 792 17 74
www.margotravel.com.pl
www.jedziemydotaize.pl
маб.: +48 668 880 407
маб. транспарт: +48 696 872 566

Міжнародныя аўтобусныя лініі

Да Тэзэ таксама можна дабрацца звычайнымі міжнароднымі аўтобуснымі лініямі, даязджаючы да горада Шалон-сюр-Сон (фр. Chalon-sur-Saône):

SINDBAD

да Шалон-сюр-Сон, прыпынак: чыгуначны вакзал Gare Routiere SNCF.

EUROLINES

да Шалон-сюр-Сон, прыпынак: чыгуначны вакзал Gare Routiere SNCF.

FLIXBUS

з Кракава (аўтобус едзе праз Катавіцэ, Забжэ, Глівіцэ, Нысу, Клодзко, Паляніцу-Здруй, Кудову-Здруй) да Шалон-сюр-Сон, прыпынак: чыгуначны вакзал Gare Routiere SNCF.

А ўжо далей ад чыгуначнага вакзалу (Gare Routiere SNCF) трэба крыху прайсці да прыпынку мясцовае лініі Mobigo - аўтобус маршруту LR 701, які курсуе на трасе Chalon-sur-Saône – Cluny – Mâcon, выйсці трэба ў Taizé, прыпынак: Taizé-Communauté. Кошт квітка 1,50 € (набываем у кіроўцы адразу пасля ўваходу праз першыя дзверы).
Актуальны расклад руху маршруту LR 701:

from 04.09.2023 onwards

Таксі ў Chalon-sur-Saône: тэл. (+33) 03 45 77 80 маб.: (+33) 6 15 44 23 02

На гэтае старонцы можна знайсці інфармацыю пра тое, як дабрацца да Тэзэ самалётам альбо цягніком.

Перад рэзервацыяй свайго месца ў аўтобусе, спачатку трэба зарэгістравацца на нашае старонцы і паведаміць пра сваё жаданне побыту ў Тэзэ.

Агульны маршрут

Serge — 2020-10-09T08:23:21Z

Тэзэ - каардынаты GPS: Шырата і даўгата: N46.51355 E4.67708 UTM: 31T 628650 5152490

Паштовы адрас: Communauté de Taizé, 71250 TAIZÉ, France.

УВАГА: на тэрыторыі Францыі існуе некалькі населеных пунктаў а назве “Taizé”! Калі вы ўводзіце адрас у сістэме навігацыі GPS, важна ўказваць:
«71250 Taizé»

Шлях да Тэзэ на Google Maps

З Ліёну да Тэзэ

Serge — 2018-08-11T16:33:17Z

Маршрут:

Аэрапорт імя Антуана дэ Сэнт-Экзюперы LYS- чыгуначны вакзал Ліёна Gare de Lyon-Part-Dieu (трамвай - 30 хв.),
Ліён - Макон (цягнік - 45 хв.),
Макон - Тэзэ (аўтобус - 50 хв.).

Неабходна загадзя запланаваць дастаткова часу дзеля набыцця квіткоў, асабліва ў тым выпадку, калі вы не набываеце іх праз сеціва: на месцы магчымыя чэргі пры касах. Чаканне на трамвай у аэрапорце Ліёну таксама можа трываць каля 20-30 хв.

1. L'aéroport Lyon-Saint-Exupéry → Gare de Lyon-Part-Dieu

Пасля таго, як вы пройдзеце пашпартны кантроль (у выпадку неабходнасці) і атрымаеце багаж (калі здалі яго ў багажнае аддзяленне), выходзьце ў залю прылётаў. Вам трэба знайсці ўказальнікі ліёнскага аэра-экспрэсу Lyon express/Rhonexpress-Lyon Centre - трамваю, які курсуе паміж аэрапортам ды чыгуначным вакзалам Lyon Part-Dieu.

Прайдзіце праз будынак аэрапорту,

пасля чаго - па доўгім калідоры.

Урэшце, Вы маеце апынуцца ў вялікае залі са шкляным скляпеннем.

Рухайцеся ўніз па эскалатары, праваруч вы ўбачыце чырвоны аўтамат (здымак ніжэй) дзеля продажу квіткоў на ўзгаданы вышэй трамвай-экспрэс да Ліёну.

Квіток не належыць да танных - 15,90 € (у адзін бок - aller simple). Аўтамат запытае, ці патрэбны Вам рахунак. Пасля набыцця квітка, квіток і рахунак забіраеце ўнізе аўтамата, у спецыяльным латку пад экранам. Набыць той квіток можна таксама беспасрэдна ў трамваі, але там ён будзе каштаваць яшчэ даражэй - ажно 18,90 €. У трамваі будзе кантралёр-кандуктар, які прадае квіткі і правярае раней набытыя.

Пасля набыцця квітка ў чырвоным аўтамаце трэба пакінуць залю са шкляным скляпеннем, збочыць управа і з'ехаць эскалатарам уніз, каб сесці ў трамвай.

Трамвай ад'язджае кожныя 15-20 хв. Ехаць трэба да самага канца - прыпынак будзе называцца Lyon Part-Dieu; дарога зойме Вам каля паўгадзіны.

2. Lyon Part-Dieu → Mâcon

Калі выйдзеце з трамваю, кіруйцеся ў напрамку будынку чыгуначнага вакзала SNCF Lyon Part-Dieu.

Як набыць квіток на цягнік:

а) загадзя праз сеціва на гэтае старонцы.

Набываючы квіткі праз сеціва, існуюць розныя магчымасці атрымання квітка:

1. Электронны квіток на E-mail (не заўсёды даступная опцыя);
2. Атрыманне квіткоў на звычайны адрас, які быў пададзены пры запаўненні інфармацыйнае формы (варта памятаць, што працэс дастаўкі можа быць вельмі доўгім);
3. Набыццё праз сеціва, але пабранне квіткоў непасрэдна ў аўтамаце на любым чыгуначным вакзале ўва Францыі (пры сабе варта будзе мець менавіта тую банкаўскую картку, якой быў здзейснены плацёж пры набыцці квіткоў!).

б) таксама вы можаце набыць квіток ў адным з аўтаматаў у вакзальным будынку альбо ў касах (Guichet).

У аўтамаце квіткі можна набыць толькі пры наяўнасці банкаўскае карткі. Квіткі таксама можна прыдбаць у касах - й за наяўныя, й пры аплаце карткаю; кошт квітка ад формы аплаты не залежыць.

Да Макона можна дабрацца цягнікамі дзвюх катэгорый:

1. TER — «электрычка». Квіток сапраўдны на кожны з тых цягнікоў цягам 3 месяцаў па набыцці. Такі цягнік пераадольвае адлегласць паміж Ліёнам і Маконам цягам 40-45 хв., прыбываючы на станцыю Mâcon ville. Квіткі не маюць фіксаваных месцаў, але месцы бываюць заўсёды. Сядаць можна на любы цягнік такога кшталту, нават не абавязкова менавіта на той, які пададзены ў вашым квітку.

2. TGV – хуткасны цягнік. Кошты на такія цягнікі бываюць вельмі рознымі, часам большыя, часам меншыя, чым на TER. Час у дарозе будзе прыблізна такім самым. Часцей за ўсё такі цягнік прыедзе на станцыю Mâcon Loché, але часам бывае, што й на станцыю Mâcon ville. Такі квіток дзейнічае на канкрэтны цягнік з канкрэтным месцам. На платформах для цягнікоў TGV адлюстравана інфармацыя, паводле якой можна зразумець знаходжанне канкрэтнага вагону адносна платформы (на платформе прысутныя слупкі з шыльдачкамі для вашае арыентацыі).

Набываем квіткі ў аўтамаце:

1. Перадусім варта выбраць опцыю, ці едзем зараз, ці пазней. Калі едзеце адразу, выбіраеце “зараз” (гэта будзе левы з прапанаваных простакутнічкаў) і націскаеце на сэнсарны экран.
2. Месца прызначэння: ўводзім Mâcon, а потым са спісу, які з'явіцца, выбіраем toutes gares - “усе вакзалы”.
3. Выбіраем час, які нам найбольш пасуе.
4. Выбіраем узроставую катэгорыю пасажыра.
5. Carte de fidélité (картка сталага пакупніка) — non (“няма”).
6. Reductions (“Зніжкі”) — non (“няма”).
7. Далей этап аплаты - націскаем на простакутнічак на экране ў правым вуглу ўнізе. З'явіцца пытанне, ці патрэбны Вам рахунак.
8. Здзяйсняем аплату пластыкавае карткаю.
9. Выцягваем картку і не забываемся на квіток.

Квіток абавязкова трэба прабіць у маленькім жоўтым аўтамаце ў вакзальным будынку альбо пры выхадзе непасрэдна на платформу. Квіток варта ўстаўляць “анфас” і дачакацца адпаведнага кароткага гуку, які ўзнікае пры працы друкуючага прыстасавання. Квіток пасля гэтага лічыцца важным.

На блакітным табло Departs варта паглядзець, адкуль адыходзіць цягнік. Ліён ды Макон - прамежкавыя станцыі, а на табло пададзеныя пачатковыя і канцавыя пункты следвання. Таму варта глядзець на нумар цягніка і час адпраўлення.

Назвы платформаў пазначаныя вялікмі лацінскімі літарамі. Пасля выхаду на платформу таксама можна ўбачыць табло з нумарамі цягнікоў, часам адпраўлення ды прыпынкамі. Выбіраючы вагоны, варта выбіраць вагоны з лічбаю 2 - другое класы. Часам дзверы варта адчыняць механічна, узнімаючы рычаг угару альбо прыціснуўшы адмысловую кнопку.

Пра наступны прыпынак беспасрэдна ў цягніку абвяшчаюць за некалькі хвілін да прыбыцця на станцыю, таму лепей сачыць па сваім уласным гадзінніку, калі варта рыхтавацца да выйсця.

3а. Mâcon ville → Taizé

Па прыездзе цягніком на станцыю Mâcon ville варта выйсці з цягніка, кіруючыся падземным пераходам да вакзальнага будынка. Патрапіўшы ў будынак, перад вамі будзе кавярня, а з правага боку - выйсце на платформы аўтобусаў (на левы бок - выйсце ў горад), адкуль курсуе аўтобус да Тэзэ.

За некалькі хвілін да адпраўлення да платформы пад'едзе аўтобус LR 701 мясцовае лініі Mobigo.

Квіток варта прыдбаць беспасрэдна ў кіроўцы (кошт квітка 1,50 €), а перад уваходам да аўтобуса свой багаж самастойна пакласці ў аўтобусны багажны люк. Час у дарозе - каля 50 хв. Гэтыя аўтобусы курсуюць некалькі разоў цягам дня, у нядзелю - радзей, чымся цягам тыдня.
Расклад аўтобусаў LR 701 пададзены ніжэй.

3b. Mâcon Loché TGV → Taizé

Пра прыбыцці на станцыю Mâcon Loché TGV Вы выйдзеце адразу ў вакзальны будынак, беспасрэдна перад якім спыняецца аўтобус да Тэзэ. Сядаючы ў аўтобус, варта запытацца, ці едзе ён у бок вёскі Тэзэ. Час у дарозе - каля 40 хв.

Расклад аўтобусаў Mâcon-Taizé-Chalon-sur-Saône:

from 04.09.2023 onwards

Шчаслівае дарогі!

P.S. Калі вы падарожнічаеце групаю, вам будзе зручней загадзя замовіць аўтобус. Шлях зойме каля 2.5-3 гадз.; так будзе прасцей і фінансава больш слушна.
Кантактная інфармацыя:
Voyages Clunysois
10 route de la Roseraie
71250 Cluny, France.
voyages.clunysois orange.fr
Fax : 00 33 (0) 3 85 59 03 60
Tél. : 00 33 (0) 3 85 59 05 60
www.voyages-clunysois.fr

З Жэневы да Тэзэ

Serge — 2018-07-18T09:18:03Z

Маршрут:

аэрапорт Cointrin - чыгуначны вакзал Жэневы (Cornavin),
Жэнева - Макон (з перасадкаю ў Ліёне альбо на іншае станцыі),
Макон - Тэзэ.

1. Аэрапорт Жэневы → чыг. вакзал Жэневы

Па прылёце ў Жэневу трэба прайсці пашпартны кантроль, пасля чаго атрымаць свой багаж.

УВАГА! Перад тым, як выйсці праз брамы мытнага “зялёнага калідору” ў залю прылётаў, можна ўзяць дармовы квіток на ўсе віды транспарту на 80 хв.
Атрымаўшы на стужцы свой багаж, варта знайсці аўтамат і, націснуўшы на кнопку, атрымаць гэты квіток.

Выходзячы ў залю прылётаў, варта кіравацца ўказальнікамі train (“цягнік”), каб патрапіць на чыгуначную станцыю:

Перад гэтымі дзвярыма варта збочыць управа.

На вялікім экране месціцца расклад цягнікоў. Усе яны курсуюць праз галоўны чыгуначны вакзал Жэневы.

Далей варта прайсці наперад і прайсці на патрэбную платформу да цягнікоў.

Пасля 5 хв. дарогі цягнік прыбудзе на першы прыпынак.

2. Жэнева → Макон (з перасадкаю ў Ліёне альбо на іншае станцыі)

На вакзале Жэневы неабходна выходзіць з платформы па падземным пераходзе ў вакзальны будынак. Там знаходзяцца касы і аўтаматы для набыцця квіткоў на цягнікі па іншых напрамках.

Да Макона з Жэневы можна дабрацца цягніком.
Цягнікі едуць з перасадкаю ў Ліёне альбо ў іншым горадзе.

Варта прадугледзець дастаткова часу дзеля набыцця квіткоў, калі не паклапаціліся пра тое загадзя, набываючы квіткі ў сеціве: цалкам верагодна, што будуць доўгія чэргі. Чаканне на цягнік з аэрапорту на вакзал таксама можа заняць каля 15-20 хв.

Набываем квіткі на цягнік:

а) загадзя ў сеціве на старонцы www.sncf.com. Даступная таксама расейскамоўная версія.
Месца адпраўлення - Geneve Cornavin
Месца прызначэння - Mâcon (toutes gares - “усе вакзалы”. У Маконе два вакзалы. Адзін з іх для звычайных цягнікоў - Mâcon ville. Другі - для хуткасных, Mâcon Loché TGV).
Трэба выбраць дату паездкі і націснуць “пошук”, пасля чаго выбраць патрэбны час паездкі.
Варта разлічыць дастатковы час на ўсе неабходныя фармальнасці ў аэрапорце ды шлях да чыгуначнага вакзала. Таму варта памятаць пра прыблізна 2 гадзіны, неабходныя на ўсё гэта ад моманту прылёту.

Набываючы квіткі праз сеціва, існуюць розныя магчымасці атрымання квітка.
1. Электронны квіток на E-mail (не заўсёды даступная опцыя);
2. Атрыманне квіткоў на звычайны адрас, які быў пададзены пры запаўненні інфармацыйнае формы (варта памятаць, што працэс дастаўкі можа быць вельмі доўгім);
3. Набыццё праз сеціва, але пабранне квіткоў непасрэдна ў аўтамаце на любым чыгуначным вакзале ўва Францыі (пры сабе варта будзе мець менавіта тую банкаўскую картку, якой быў здзейснены плацёж пры набыцці квіткоў!)

б) набыць у адным з аўтаматаў у будынку вакзалу альбо ў касах (Guichet).
У аўтамаце квіткі можна набыць толькі пры наяўнасці банкаўскае карткі. Квіткі таксама можна прыдбаць у касах - й за наяўныя, й пры аплаце карткаю. Кошт квітка ад формы аплаты не залежыць.

Цягнікі ўва Францыю адыходзяць з платформаў 7 ды 8.

Квіток абавязкова трэба прабіць у маленькім жоўтым аўтамаце ў вакзальным будынку альбо пры выхадзе непасрэдна на платформу. Квіток варта ўстаўляць “анфас” і дачакацца адпаведнага кароткага гуку, які ўзнікае пры працы друкуючага прыстасавання. Квіток пасля гэтага лічыцца важным.

Наступная інфармацыя можа быць карысная тым, хто едзе з перасадкаю ў Ліёне. Пры перасадцы ў іншым мястэчку, з'арыентавацца будзе прасцей, таму варта адразу перайсці да часткі Mâcon → Taizé

3. Ліён → Макон

Да Макона можна дабрацца цягнікамі дзвюх катэгорый:

4a. Mâcon ville → Taizé

За некалькі хвілін да адпраўлення да платформы пад'едзе аўтобус LR 701.

Квіток варта прыдбаць беспасрэдна ў кіроўцы (кошт квітка 1,50 €), а свой багаж самастойна пакласці ў аўтобусны багажны люк загадзя. Час у дарозе - каля 50 хв. Гэтыя аўтобусы курсуюць некалькі разоў цягам дня, у нядзелю - радзей, чымся цягам тыдня.
Расклад аўтобусаў LR 701 глядзіце ніжэй.

4b. Mâcon Loché TGV → Taizé

Расклад аўтобусаў Mâcon-Taizé-Chalon-sur-Saône:

from 04.09.2023 onwards

Шчаслівае дарогі!

Бліжэйшыя аэрапорты

Serge — 2018-02-20T21:38:33Z

Як перамяшчацца паміж аэрапортамі ды чыгуначнымі станцыямі, каб дабрацца да Тэзэ.
Інфармацыю адносна цягнікоў, якімі можна дабрацца, глядзі на старонцы Цягніком і аўтобусам.

Аэрапорт Шарля дэ Голя, Парыж (Paris CDG) – Аэрапорт Парыж Орлі (Paris Orly)

Шмат інфармацыі наконт грамадскага траспарту ў Парыжы, а таксама даезду да Парыжу, можна знайсці на гэтых старонках:
Charles-de-Gaulle Airport
Orly Airport

Ліёнскі аэрапорт Сэнт-Экзюперы (Lyon Saint-Exupéry)

https://www.lyonaeroports.com/en/ac...

Экспрэс-трамвай Rhônexpress

Паміж ліёнскім аэрапортам Сэнт-Экзюперы а ліёнскім чыгуначным вакзалам Port-Dieu кожныя 15 хв. курсуе экспрэс-трамвай Rhônexpress. Паездка доўжыцца каля 30 хв. Кошт квіткоў: для моладзі ад 12 да 25 гадоў - 10 € (квіток у два бакі - 19 €), для дарослых (старэйшых за 25 гадоў) - 15,20 € (квітко у два бакі - 26,70 €). Дэталёвая інфармацыя змешчана на гэтае старонцы. На дадзенае старонцы можна праглядзець таксама іншыя віды квіткоў (напрыклад, групавыя) і заплаціць за іх пры дапамозе банкаўскае карткі.

Аўтобусныя шатлы да Тэзэ

Двойчы на дзень курсуюць аўтобусы Ouibus паміж ліёнскім аэрапортам а чыгуначнай станцыяй Mâcon-Ville (Gare SNCF). Са станцыі Mâcon да Тэзэ можна дабрацца мясцовым аўтобусам. Расклад мясцовых аўтобусаў можна паглядзець на гэтае старонцы.

Voyages Clunysois прапануе паслугі шатл-таксі паміж ліёнскім аэрапортам а вёскаю Тэзэ.

Аэрапорт Жэневы, Швейцарыя (aéroport de Genève-Cointrin)

www.gva.ch

З аэрапорту да горада (цэнтральны чыгуначны вакзал Жэневы) можна дабрацца цягніком альбо аўтобусам. Паездка доўжыцца каля 7 хв. (цягніком) і каля 25 хв. (аўтобусам).

Дзеля інфармацыі варта перайсці на старонку аэрапорту, а асабліва ў закладку транспарт дзеля дэталёвае інфармацыі пра, напрыклад, дармовыя квіткі на грамадскі транспарт.

Шатл-бусы да Тэзэ

Voyages Clunysois здзяйсняе рэйсы паміж аэрапортам Жэневы і вёскаю Тэзэ.

Мясцовыя таксоўкі і маршруткі

Serge — 2017-06-17T20:36:03Z

Таксоўкі

Калі вы прыбываеце цягніком на станцыю Mâcon-Loché і не маеце аўтобуса да Тэзэ, вы можаце скарыстацца з таксовак. Дарога да вёскі будзе цягнуцца прыблізна 30 хвілін. Кошты будуць вагацца ў памерах 90 €.

Маршруткі

Фірма Voyages Clunysois прапануе паслугі дастаўкі вашае групы да Тэзэ з чыгуначнае станцыі альбо з аэрапорту маршруткамі (колькасць месцаў ад 18 да 57).

Кантактуйцеся з фірмаю:
Voyages Clunysois
10 route de la Roseraie
71250 Cluny, France.
voyages.clunysois orange.fr
Fax : 00 33 (0) 3 85 59 03 60
Tél. : 00 33 (0) 3 85 59 05 60
https://bustour.fr/

Вялікдзень 2017 у Тэзэ з выездам з Польшчы

Serge — 2017-02-14T10:12:36Z

Запрашаем да таго, каб перажыць Пасхальны Трыдуум ды Пасху ў Тэзэ.

Польская фірма падарожжаў MARGO TRAVEL арганізоўвае пасхальны выезд у Тэзэ.

Выезд з Польшчы 12.04 (серада) па абедзе з прыездам у Тэзэ 13.04 (чацвер) перад апоўднем.

Вяртанне 17.04 (панядзелак), пасля 21:30 і прыезд у Польшчу вечарам 18.04 (аўторак).

Кошты паездкі:
Дарослыя асобы 520 zł (≈250 BYN)
Дзеці да 14 г. 320 zł (≈155 BYN)

(Трансфер з Варшавы, Жэшува +100zł (≈50 BYN); з Лодзі, Кракава +70zł (≈35 BYN); з Катавіц +60zł (≈30 BYN); з Аполя +40zł (≈20 BYN))

Перад тым, як зарэгістраваць месца ў аўтобусе, неабходна здзейсніць рэгістрацыю свайго побыту праз старонку Тэзэ (пісаць на гэты E-mail).

Дакладная інфармацыя пра ўмовы паездкі змешчаная на старонцы фірмы:
www.margotravel.com.pl
альбо
www.jedziemydotaize.pl

Рэзервацыя месцаў:
MARGO TRAVEL
ul. Sienkiewicza 73/1
50-349 Wrocław

Бюро працуе:
штодзённа ад панядзелку да пятніцы, у гадзінах 8.00 - 18.00
Тэл. (071) 792 17 63, Тэл./Факс: (071) 792 17 74
www.margotravel.com.pl
www.jedziemydotaize.pl
маб.: +48 668 880 407
маб. транспарт: +48 696 872 566