Taizé

Справаздача аб дзейнасці «Групы прыёму і маніторынгу справаздач» за 2024 год

Serge — 2025-03-17T21:51:32Z

Часткаю місіі Групы прыёму і маніторынгу справаздач з'яўляецца раз на год публічна справаздачыцца аб сваёй дзейнасці. Ніжэй справаздача аб дзейнасці, падрыхтаваная гэтай камандай за 2024 год.

па-французску:

Rapport d'activité en format PDF


fr

па-ангельску:

Activity report in PDF format


en

Справаздача «Групы па прыёме і маніторынгу справаздач»

Serge — 2024-03-04T16:57:26Z

У паўнамоцтвы Групы па прыёме і маніторынгу справаздач уваходзіць абавязак раз на год рабіць публічную справаздачу аб сваёй дзейнасці.

У лістападзе 2022 г. Абшчына склала і апублікавала Справаздачу за 2019-2022 гг. за папярэднія тры гады. Такім чынам, сёлетняя справаздача аб дзейнасці – першая, якую цяпер склала каманда Групы па прыёме і маніторынгу справаздач, у склад якой уваходзяць тры асобы, якія не з'яўляюцца чальцамі Супольнасці Тэзэ.

Справаздача аб дзейнасці Групы ў фармаце PDF


en

Інфармацыя для бацькоў з дзецьмі

Serge — 2024-01-09T15:44:32Z

Памятайце, што калі вы прыязджаеце сям'ёй, вашае знаходжанне ў Тэзэ як бацькоў адрозніваецца ад знаходжання ў якасці самотнага чалавека. Праграма прызначана для сем'яў, бацькоў з дзецьмі ад 3 да 14 гадоў.

1. Што мне трэба ведаць, калі я прыязджаю ў Тэзэ ўсёй сям'ёй (побыт у Olinda)?

• Месца, дзе мы прымаем сем'і, называецца Olinda, у вёсцы Ameugny, у 10 хвілінах хады ад Тэзэ.

• Гэтая зона зарэзервавана для бацькоў, дзяцей, маладых валанцёраў і лідэраў. У мэтах ідэнтыфікацыі ўсе яны носяць бранзалеты.

• Усе мерапрыемствы і харчаванне адбываюцца ў Olinda.

• Сем'і могуць прыходзіць і прымаць удзел у малітвах у Тэзэ.

• Як бацькі/апекуны, вы ўвесь час нясеце адказнасць за сваіх дзяцей. Калі вы перабываеце ў вёсцы Тэзэ на малітве, трымайце сваіх дзяцей побач з сабой і пільнуйце, каб яны не блукалі адны ані ў Храме, ані на вуліцы.

• Паміж Тэзэ і Olinda для большае бяспекі трымайцеся пазначанае сцежкі; не ідзіце па дарозе.

• Калі вашы дзеці захочуць пайсці ў Oyak, яны павінны быць у суправаджэнні.

• Прадугледжана начная ахова. Аб гэтым вам паведамяць у пачатку тыдня.

2. Хто адказвае за правядзенне сустрэч у Olinda?

Абшчына братоў кіруе сустрэчамі, супрацоўнічаючы з манаскай супольнасцю сясцёр св. Андрэя, маладымі валанцёрамі з розных краін ды маладзёнамі, якія прыехалі ў Тэзэ на тыдзень.

3. Якім чынам Тэзэ забяспечвае належныя паводзіны ўсіх гэтых розных суб'ектаў і абарону дзяцей?

Браты, сёстры і супрацоўнікі пастаянна праходзяць навучанне, каб павысіць дасведчанасць у пытаннях бяспекі. Ім таварышаць кансультанты, якія спецыялізуюцца на гэтых пытаннях.

Кожны валанцёр прытрымліваецца праграмы, якая пачынаецца з першапачатковай размовы аб прычынах іх падачы заяўкі і - калі яны прымаюцца - яны падпісваюць кодэкс паводзінаў. Валанцёры ў Тэзэ знаходзяцца пад наглядам рэферэнтнай асобы (брата або сястры). У пачатку свайго побыту яны праходзяць абавязковую падрыхтоўку па пытаннях бяспекі.

Маладыя валанцёры, якія дапамагаюць у Olinda, сустракаюцца з братамі. Пасля першапачатковай размовы яны падпісваюць кодэкс паводзін і праходзяць трэнінг. Кожнага дня адзін з лідараў сустракаецца з моладдзю, якая дапамагае ў праграме, каб прааналізаваць сітуацыю і абмеркаваць любыя цяжкасці, якія могуць узнікнуць.

4. На што вам як бацькам трэба звярнуць увагу?

Вашыя абавязкі клапаціцца і назіраць за суправаджэннем і аховай дзяцей такія ж, як і дома. Па вёсках Тэзэ і Ameugny курсуюць у тым ліку людзі, якія не з'яўляюцца ўдзельнікамі сустрэч.

Калі вы па нейкае прычыне адчуваеце сябе няўтульна ў Olinda, вы заўсёды можаце трымаць сваё дзіця пры сабе. Калі ласка, проста паінфармуйце аб тым брата, які займаецца праграмай у Olinda.

5. Да каго мне звяртацца, калі ў мяне ёсць пытанні ў сферы абароны дзяцей?

Калі:
• дзіця распавядае вам пра «дзіўную» сітуацыю;
• вы бачыце штосьці трывожнае ў адносінах дарослага або маладзёна і дзіцяці;
• ваша дзіця расказвае вам аб складанай сітуацыі, пра якую яму распавяло іншае дзіця;
• вы шакаваныя заўвагамі або гульнямі, якія здаюцца дыскрымінацыйнымі, расісцкімі, двухсэнсоўнымі ці маюць выразна сексуалізаваны характар альбо выраз, якія не адпавядаюць звычайнаму характару дзіцяці.
Не заставайцеся з сітуацыяй сам-насам. Паразмаўляйце з братам, які адказвае за Olinda. У La Morada альбо El Abiodh вы можаце звязацца з братам, адказным за пытанні бяспекі, або вы можаце скантактавацца з ім па нумары +33 749 04 75 85 (кругласутачна). Гэты нумар вывешаны ва ўсіх бараках і месцах сустрэч. Акрамя таго можна выслаць паведамленне на адрас taize.safeguarding protonmail.com. Людзі, якія не ўваходзяць у Абшчыну, прачытаюць яго і звяжуцца з вамі на працягу 24 гадзін.

Каталог: Пытанні бяспекі

Інфармацыя для 15-17-гадовых падлеткаў

Serge — 2024-01-09T15:44:21Z

1. Ці патрэбны мне дазвол бацькоў?

Так, абавязковы! Бланк, які можна пабраць, павінен быць запоўнены тваімі бацькамі і захаваны ў кіраўніка групы.

2. Ці падчас майго побыту ў Тэзэ я буду заставацца са сваёй групай або сябрамі?

І так, і не! На пачатку тыдня з розных груп прысутнае моладзі ствараюцца групы дзялення для ранішніх і пасляабедзенных заняткаў. У кожную групу дзялення ўваходзіць прынамсі адна дарослая асоба. Сустрэцца ж з сябрамі з тваёй групы ты зможаш у вольны час і падчас пасілкаў.

3. Як будзе выглядаць маё рассяленне?

Цябе расселяць з тваёй групай і, магчыма, з іншымі маладзёнамі твайго ўзросту. Кіраўнікі вашых груп застануцца ў той самай зоне, але не ў тым самым бараку. У бараках юнакі і дзяўчаты рассяляюцца паасобку.

Калі ў цябе ёсць якія-небудзь пытанні наконт рассялення або ты адчуваеш сябе нязручна з-за чаго-небудзь, ты можаш пагаварыць з кіраўніком групы.

4. Што мне рабіць, калі мяне нешта не задавальняе ў праграме сустрэч або калі ў мяне ёсць праблемы з лідэрам?

Перадусім паразмаўляй з кіраўніком сваёй групы. Ты таксама можаш пагаварыць з братам Абшчыны, які прыдзяліў цябе да канкрэтнай групы дзялення.

5. З кім я магу пагаварыць, калі адчуваю ці бачу нешта трывожнае, або калі нехта з нечым падобным даверыцца мне?

Вельмі важна, каб вы не спрабавалі справіцца з сітуацыяй самастойна. Ты можаш пагаварыць з дарослым, якому давяраеш, напрыклад, з чалавекам, адказным за тваю групу. У La Morada альбо El Abiodh ты можаш звязацца з братам, адказным за пытанні бяспекі, або звязацца з ім жа па тэлефоне +33 749 04 75 85 (кругласутачна). Гэты нумар вывешаны ва ўсіх бараках і месцах сустрэч. Акрамя таго можна таксама выслаць паведамленне на адрас taize.safeguarding protonmail.com. Людзі, якія не ўваходзяць у Абшчыну, прачытаюць яго і звяжуцца з табою на працягу 24 гадзін.

6. Калі ў мяне ёсць праблемы з чалавекам, які адказвае за маю групу, з кім я магу пагаварыць?

Ты можаш скантактавацца са сваімі бацькамі або дарослым, якому давяраеш, ці прыйсці ў La Morada, каб паразмаўляць з братам, або ў El Abiodh, каб паразмаўляць з сястрой-манашкай. Акрамя таго можна патэлефанаваць на нумар +33 749 04 75 85 (кругласутачна), пад якім будзе брат, які выслухае цябе.

7. Я ўжо вярнуўся дадому, але мне трэба падзяліцца чымсьці цяжкім, што здарылася са мной або сведкам чаго я стаў у Тэзэ. Што я магу зрабіць?

Ёсць некалькі варыянтаў:

• варта паразмаўляць з кімсьці з удзельнікаў вашае групы, каму давяраеце, з якой вы прыязджалі.
• напісаць Абшчыне community taize.fr альбо Групе прыёму і маніторынгу справаздач taize.safeguarding protonmail.com.
• у Беларусі можна звярнуцца на рэспубліканскую гарачую лінію 8-801-100-8-801 (08:00-20:00), або па кругласутачных тэлефонах даверу 8-017-352-44-44 ды 8-017-304-43-70.

8. Што мне трэба ведаць аб маіх асабістых дадзеных?

Абараняй свае асабістыя дадзеныя!

Звяртай увагу, каб не дзяліцца сваімі асабістымі дадзенымі з людзьмі, у якіх ты не ўпэўнены (здымкамі, асабістай выявай, кантактнымі дадзенымі, адрасам, профілем у сацыяльных сетках і г.д.); не дзяліся гэтай інфармацыяй у сеціве. Як мага лепш імкніся абараняць сябе ад раскрыцця асабістых дадзеных.

Прачытай таксама: Што мы маем на ўвазе?

Каталог: Пытанні бяспекі

Лепшае разуменне структур у Тэзэ: агульная інфармацыя

Serge — 2024-01-09T15:44:09Z

1. Хто нясе адказнасць за правядзенне сустрэч у Тэзэ?

Абшчына братоў кіруе сустрэчамі, супрацоўнічаючы з рознымі манаскімі суполкамі сясцёр, маладымі валанцёрамі з розных краін і некалькімі наёмнымі супрацоўнікамі.

2. Ці падчас майго побыту ў Тэзэ я буду заставацца са сваёй групай або сябрамі; як будзе выглядаць маё рассяленне?

І так, і не! На пачатку тыдня з розных груп прысутнае моладзі ствараюцца групы дзялення для ранішніх і пасляабедзенных заняткаў. Не абавязкова, што вы будзеце разам з сябрамі ў адной групе дзялення, але сустрэцца з імі вы зможаце ў вольны час і падчас пасілкаў. У бараках юнакі і дзяўчаты рассяляюцца паасобку. У Тэзэ можна прыехаць з уласным намётам.

Калі ў вас ёсць нейкія пытанні наконт праграмы тыдня або рассялення, вы можаце прыйсці ў прыёмны пункт (Casa) і мы сумесна паспрабуем знайсці рашэнне.

3. Кім з'яўляюцца валанцёры ў Тэзэ?

Тэзэ працуе не з кваліфікаванымі моладзевымі работнікамі, але з маладымі валанцёрамі, якія застаюцца на некалькі тыдняў ці месяцаў. Яны бяруць на сябе адказнасць за выкананне пэўных заданняў і супрацоўнічаюць з братамі і сёстрамі. Менавіта валанцёры кіруюць рознымі працоўнымі групамі, куды ўваходзіць моладзь, што прыязджае ў Тэзэ на тыдзень.

4. Ці можна паразмаўляць з братамі і сёстрамі?

Сустрэцца з братамі і сёстрамі можна падчас біблійных заняткаў або ў адведзеных для гэтага месцах, у прыватнасці ў La Morada (браты) і ў El Abiodh (сёстры).

Пасля завяршэння вечаровае малітвы некаторыя браты застаюцца ў Храме для размоў. Яны не могуць аказваць доўгатэрміновай падтрымкі, але час ад часу могуць выслухаць маладзёнаў.

Валанцёраў, якія застаюцца ў Тэзэ на больш працяглы час, суправаджаюць на сталай аснове: дзяўчат - манашкі, а юнакоў - браты, вызначаныя да гэтае функцыі іх супольнасцямі.

Некаторыя браты і сёстры час ад часу прысутнічаюць, каб здзяйсняць нагляд працоўных груп, на чале якія стаяць валанцёры.

5. Як Тэзэ забяспечвае адпаведныя паводзіны сваіх братоў, сясцёр, валанцёраў і супрацоўнікаў адносна пытанняў бяспекі?

Браты, сёстры і супрацоўнікі пастаянна праходзяць навучанне, каб павысіць дасведчанасць у пытаннях бяспекі (напрыклад, сустрэчы з ахвярамі/пацярпелымі, заняткі па наступствах сексуальнага гвалту, ацэнка рызыкі розных працоўных месцаў і г.д.). Ім таварышаць кансультанты, якія спецыялізуюцца на гэтых пытаннях.

Кожны валанцёр прытрымліваецца праграмы, якая пачынаецца з першапачатковай размовы аб прычынах іх падачы заяўкі і - калі яны прымаюцца - яны падпісваюць кодэкс паводзінаў. Валанцёры ў Тэзэ знаходзяцца пад наглядам рэферэнтнай асобы (брата або сястры). У пачатку свайго побыту яны праходзяць абавязковую падрыхтоўку па пытаннях бяспекі.

Браты, сёстры, валанцёры і супрацоўнікі маюць абавязак прадаставіць копію свайго пратакола.

6. Якія каманды нясуць адказнасць за бесперабойнае праходжанне сустрэч і бяспеку?

Усе аспекты, якія тычацца сустрэч і бяспекі, ахоплены братамі, сёстрамі і моладзевымі камандамі на чале з валанцёрамі. Калі ласка, выконвайце іх інструкцыі, каб тыдзень прайшоў як мага больш спакойна.

Вось прыклад гэтых каманд:

Каманды “Суправаджэнне сустрэч” (“Meeting support”) працуюць днём і познім вечарам. Гэтыя дзве каманды складаюцца з брата-кіраўніка, валанцёраў і маладзёнаў, якія прыехалі на сустрэчы ў Тэзэ на тыдзень. Пазнаць іх можна па адпаведным бэйджу.

Гэтыя дзве каманды гарантуюць, што тыдзень у Тэзэ праходзіць без праблем.

Дзённаю каманду “Meeting Support” можна сустрэць у La Morada.

Вячэрнюю каманду “Meeting Support” можна сустрэць у Тэнце 2 ад 21:30 да 23:30.

Па тэрміновых пытаннях у начны час працуе дзяжурная служба. Пры неабходнасці дзяжурны можа выклікаць службу хуткай дапамогі або дзяжурнага ўрача.

У вызначаны час сутак працуе фельчарска-акушэрскі пункт.

7. Як у Тэзэ вырашаюцца праблемы сексуальнага гвалту і духоўнага, фізічнага ці эмацыйнага злоўжыванняў?

Тыя, хто прымае вас, уважліва ставяцца да гэтых праблем. Мы прызнаем адвагу тых, хто выступіў, каб апублічніць тое, што яны перажылі, і мы сур'ёзна ўспрымаем раскрыццё інфармацыі гэтымі асобамі. Пасля сведчанняў, якія выкрылі акты агрэсіі і злоўжыванняў, здзейсненых братамі ў Тэзэ, брат Алоіс зрабіў некалькі крокаў, якія задакументаваны ў апублікаваным у 2019 годзе адкрытым лісце, а таксама ў Справаздачы па пытаннях бяспекі за 2019-2022 гг., якія былі апублікаваныя на старонцы Тэзэ.

Абшчына супрацоўнічае з камісіяй “Прызнанне і кампенсацыя”, прымаючы яе рэкамендацыі і рашэнні.

Кожны тыдзень адбываецца сустрэча, падчас якой браты распавядаюць пра тое, што адбылося ў Тэзэ. Гэтая сустрэча мае быць пляцоўкай для абмеркавання таго, як рэагаваць і дзейнічаць адносна гэтай праблемы ў Тэзэ, у Царкве і ў грамадстве.

Прачытай таксама: Што мы маем на ўвазе?

Каталог: Пытанні бяспекі

Паведамленне пра здарэнне

Serge — 2024-01-09T15:43:58Z

1. З кім я магу пагаварыць, калі адчуваю ці бачу нешта трывожнае, або калі нехта з нечым падобным даверыцца мне? Што мне рабіць, калі я стаў ахвярай сексуальнага гвалту/дамаганняў або духоўных злоўжыванняў? Што мне рабіць, калі я заўважу гэта ў людзях вакол сябе падчас майго знаходжання ў Тэзэ?

Не заставайся сам-насам. Заўсёды звяртайся па дапамогу ў службы, каторыя адказваюць за пытанні бяспекі. Вы можаце выбраць адзін з наступных варыянтаў:

• патэлефануйце непасрэдна брату Абшчыны, які адказвае за бяспеку, або адпраўце SMS на нумар +33 749 04 75 85 (кругласутачна). Тых, хто выкажа такое жаданне, брат адразу ж скантактуе з адказнай асобай жаночага полу.
• прыйдзіце ў La Morada альбо Casa, каб скантактавацца з братам, які адказвае за пытанні бяспекі.
• напішыце на E-mail taize.safeguarding protonmail.com - (Група прыёму і маніторынгу справаздач цягам 24 гадзін адкажа на зварот).
• звяжыцеся з незалежнымі арганізацыямі, каторыя займаюцца пытаннямі аховы асобаў ў вашай краіне праз іх тэлефоны даверу (напрыклад, у Беларусі звярніцеся на рэспубліканскую гарачую лінію 8-801-100-8-801 (08:00-20:00), або па кругласутачных тэлефонах даверу 8-017-352-44-44 ды 8-017-304-43-70).
• паразмаўляйце з супрацоўнікам мясцовай царкоўнай абшчыны, які адказвае за пытанні асабістае бяспекі.

2. На чым палягае роля брата, які адказвае на нумар службы экстранай дапамогі?

• выслухаць чалавека з эмпатыяй і поўнай разважлівасцю.
• асобу, якая выкажа такое жаданне, адразу ж скантактаваць з адказнай асобай жаночага полу.
• скантактаваць асобу з людзьмі, якія лепш за ўсё змогуць яе падтрымаць.
• паінфармаваць законных прадстаўнікоў у выпадку непаўналетніх.
• пісьмова паінфармаваць Групу па прыёме і маніторынгу справаздач, апісваючы кожную сітуацыю (пры захаванні ананімнасці), каб Група магла даць парады, як лепш дзейнічаць.

3. Хто атрымлівае паведамленні, скіраваныя на электронны адрас каманды бяспекі?

Электронная скрынка taize.safeguarding protonmail.com знаходзіцца ў юрысдыкцыі Групы па прыёме і маніторынгу справаздач, групы з трох чалавек, якія не з'яўляюцца чальцамі Супольнасці Тэзэ*: Сесіль Жубер, псіхатэрапеўт, якая спецыялізуецца на тэме сексуальнага гвалту (Cécile Jubert; Францыя), Ноэль Розэ, ганаровы юрыст (Noël Rosé; Францыя), і Альзіра Фернандэс, псіха-духоўны кансультант (Alzira Fernandez; Партугалія).

*дзейнічаюць паводле мандату Абшчыны Тэзэ і Association de l'Accueil à Taizé (юрыдычная асоба, адказная за арганізацыю сустрэч у Тэзэ) у адпаведнасці з дамоваю аб дэлегаваннем.

4. На чым палягае роля Групы па прыёме і маніторынгу справаздач?

• На апрацоўцы паведамленняў аб сітуацыях фізічнага, эмацыйнага або духоўнага гвалту, сітуацыі злоўжывання ўладаю, сексуальным нападзе альбо гвалту любога роду, да каторых магло дайсці падчас сустрэч у Тэзэ, альбо падчас сустрэч, каторыя былі арганізаваныя Абшчынай Тэзэ, незалежна ад таго, кім бы ні былі меркаваныя злачынцы.
• На выслухоўванні пацярпелых без усялякай прадузятасці і з сур'ёзным успрыманнем іх праблем.
• На паданні заявы аб крымінальным злачынстве ва ўсіх выпадках, калі гэта прадугледжана законам.
• На дапамозе ахвярам/пацярпелым распачаць, калі яны таго пажадаюць, судовы працэс кампенсацыі і/або спагнання.
• На скіраванні справаздачы ў ананімнай форме арганізатарам сустрэчы і прапанаванні меры, каб паспрабаваць прадухіліць паўтарэнне інцыдэнтаў, пра якія паведамляецца..
• На сталым аказванні ахвярам сяброўскай і суцяшальнай дапамогі ў адпаведнасці з іх патрэбамі і пажаданнямі.

Гэтая каманда бярэ на сябе абавязацельствы працаваць незалежна, як мага хутчэй адсочваць любыя атрыманыя справаздачы і захоўваць канфідэнцыяльнасць сваёй працы.

Інфармацыя прымаецца і захоўваецца на працягу ўсяго працэсу ў адпаведнасці з Агульным рэгламентам аб абароне даных і французскім Законам аб абароне даных (Loi Informatique et Libertés).

5. Я ўжо вярнуўся дадому, але мне трэба падзяліцца чымсьці цяжкім, што здарылася са мной або сведкам чаго я стаў у Тэзэ. Што я магу зрабіць?

Ёсць некалькі варыянтаў:

• варта паразмаўляць з кімсьці з удзельнікаў вашае групы, каму давяраеце, з якой вы прыязджалі.
• напісаць Абшчыне community taize.fr альбо Групе па прыёме і маніторынгу справаздач taize.safeguarding protonmail.com.
• у Беларусі можна звярнуцца на рэспубліканскую гарачую лінію 8-801-100-8-801 (08:00-20:00), або па кругласутачных тэлефонах даверу 8-017-352-44-44 ды 8-017-304-43-70.
• паразмаўляць з супрацоўнікам мясцовай царкоўнай абшчыны, які адказвае за пытанні асабістае бяспекі.

Каталог: Пытанні бяспекі

Пытанні асабістае бяспекі

Serge — 2024-01-09T15:43:45Z

У Тэзэ мы абавязваемся

• мець адмысловую каманду, якая займаецца пытаннямі асабістае бяспекі, што складаецца з прадстаўнікоў розных суполак, прысутных у Тэзэ, а таксама людзей, якія не належаць да Абшчыны Тэзэ.
• павялічыць увагу да бяспечнага найму, навучання і падтрымкі ўсіх людзей, якія ўдзельнічаюць у арганізацыі сустрэч, незалежна ад узроўню іх адказнасці, каб яны цешыліся даверам і мелі навыкі дзеля распазнавання і рэагавання на злоўжыванні.
• размясціць у некалькіх месцах у вёсцы Тэзэ выразную інфармацыю аб тым, да каго звяртацца ў выпадку чаго-небудзь, звязанага з гвалтам або агрэсіяй.
• рэагаваць на любыя паведамленні альбо абгрунтаваную занепакоенасць, звязаныя з пытаннямі асабістае бяспекі, з прыняццём адпаведных мер абароны.
• выслухаць і сур'ёзна ўспрымаць кожнага чалавека, які паведамляе аб гвалце або агрэсіі, незалежна ад тыпу гвалту, месца і часу здарэння.
• адказна ставіцца да людзей, якія могуць уяўляць небяспеку для іншых.
• гарантаваць, што пытанні аховы, працэдуры і ацэнкі рызыкі існуюць і штогод, у лютым, пераглядаюцца міждысцыплінарнай групай, якая ўдзельнічае ў Сустрэчах, а затым пацвярджаюцца незалежнай Групай па прыёме і маніторынгу справаздач.
Каталог: Пытанні бяспекі

Справаздача 2019–2022 гг.

Serge — 2024-01-08T17:18:37Z

У чэрвені 2019 г. брат Алоіс, тагачасны прыёр Тэзэ, апублікаваў адкрыты ліст пад назвай “Стаючы ў праўдзе”, у якім даў тлумачэнне наконт абвінавачанняў, каторыя сталі вядомы Абшчыне адносна актаў сексуальнага гвалту, у якіх былі абвінавачаны трое братоў. Між іншым, ён сказаў:

“Магчыма, што гэтая заява можа заахвоціць іншых магчымых ацалелых паведаміць пра свае сітуацыі. Мы выслухаем іх і будзем таварышыць ім у кроках, якія яны пажадаюць зрабіць. Мы перакананыя, што выключна праліваючы святло на тыя ўчынкі пры адначасовай дапамозе асобаў з па-за абшчыны, мы будзем плённа абараняць усіх тых, хто аказвае нам свой давер, прыязджаючы да Тэзэ”.

Гэтая справаздача, складзеная ў снежні 2022 г., накіравана на тое, каб падвесці вынікі таго, што было зроблена ў Тэзэ з 2019 г., у якасці важнага этапу ў працэсе, які будзе працягвацца. Яна ахоплівае перыяд з чэрвеня 2019 года па лістапад 2022 года. Тэкст справаздачы даступны ў трох моўных версіях:

- па-французску
- па-ангельску
- па-нямецку.

Што мы маем на ўвазе?

Serge — 2023-12-16T09:51:14Z

Што мы маем на ўвазе, калі ўжываем паняцці «сексуальны гвалт», «духоўныя злоўжыванні» або «эмацыйны здзек»?

Сексуальны гвалт можа ахопліваць шырокі спектр вызначаных законам дзеянняў, на ўчыненне якіх не дадзена поўная згода аднаго з бакоў.

Да духоўных злоўжыванняў даходзіць, калі маем дачыненне з адмоваю свабоды веры ці незалежнага дзеяння. Даверлівыя адносіны выкарыстоўваюцца для задавальнення жаданняў аднаго з бакоў.

Эмацыйны здзек – гэта дэструктыўная мадэль псіхалагічных паводзін чалавека, які мае ўладу, валодае аўтарытэтам або карыстаецца даверам сярод іншых людзей. Ён палягае на працяглай атацы на самаацэнку чалавека, якая можа прымаць форму грэбавання, пастаяннай крытыкі і параўнання, а таксама пазбаўлення пачуцця прыхільнасці. Крыўдзіцелі не паважаюць псіхалагічную, эмацыйную, духоўную або фізічную недатыкальнасць іншых людзей.

Што спрыяе павялічэнню рызыкі злоўжыванняў і парушэння межаў?

Асіметрычныя адносіны паміж людзьмі, у прыватнасці, у плане залежнасці і ўлады.

Невыразныя структуры, у якіх не прапісаныя правы і абавязкі.

Прыярытэт аддадзены абароне рэпутацыі ўстановы або асобы.

Правіла маўчання, накладзенае агрэсарам і/ці ўстановай.

Што значыць дзейнічаць «са згоды»?

Гэта азначае ўсведамляць патрэбы і жаданні іншых ды з асцярожнасцю рэагаваць на іх. Тое вымагае як вербальнай, так і невербальнай згоды (часам, у некаторых сітуацыях, таксама ў пісьмовай форме).

Маўчанне альбо брак прамоўленага «не» – яшчэ не значыць, што згода была дадзена. Пытанне не ў тым, каб даведацца, ці кажа чалавек «не», але толькі ў тым, ці сказаў гэты чалавек «так», выказаўшы сваю згоду.

Згода, дадзеная адзін раз, можа змяніцца, і таму пра яе трэба запытваць зноў і зноў. Чалавек, які аднойчы сказаў «так», можа змяніць сваё меркаванне. Чалавек можа ў любы момант адклікаць сваю згоду. У такіх выпадках трэба адразу спыніць любую форму здзяйсняемае актыўнасці.

Каталог: Пытанні бяспекі

Праца па высвятленні праўды ў Царкве і ў Тэзэ павінна працягвацца

Serge — 2022-12-05T20:14:20Z

З нагоды Еўрапейскае моладзевае Сустрэчы ў Ростаку брат Алоіс напісаў ніжэйшы тэкст, каб даць абноўленую інфармацыю аб працы па высвятленні праўды, распачатай Тэзэ ў 2019 г.

Тэзэ, 5 снежня 2022 г.

Разам з маімі братамі мы добра ведаем пра пакуты людзей, якія з'яўляюцца ахвярамі духоўных злоўжыванняў і сексуальнага гвалту ў Царкве. Адсутнасць дакладнай і хуткай рэакцыі ў такіх сітуацыях часта ўзмацняла боль, спавадаваны гэтымі злачынствамі. Таксама й у Тэзэ, як мы пра тое інфармавалі ў 2019 г., браты нашае Абшчыны здзяйснялі сексуальныя гвалты. Выслухоўваючы пацярпелых, я ўсё больш усведамляю глыбіню ран. Тое, што адбылося, застаецца для нас невыносным і жахлівым, паўстрымлівае нас ад любой формы ідэалізацыі нашае Супольнасці.

Мы таксама свядомыя адказнасці, якая спачывае на нас, братах, таму што тыдзень за тыднем мы прымаем моладзь, якая прыязджае ў Тэзэ з надзеяй знайсці давер да Бога, да жыцця і да сябе. Па гэтай прычыне вельмі важна, каб тыя, хто стаў ахвярай у Тэзэ, мелі неабходныя сродкі (E-mail: protection taize.fr і www.taize.fr/protection), каб мець магчымасць гаварыць пра гэта і быць пачутымі, каб тыя, хто пацярпеў, тут ці дзе-небудзь яшчэ, маглі гаварыць аб гэтым; і што недатыкальнасць кожнага чалавека абаронена ў Тэзэ, а таксама на сустрэчах, якія мы арганізуем у іншых месцах.

Дасягнуць прагрэсу на гэтым шляху мы можам дзякуючы людзям, якія мелі смеласць расказаць нам аб злоўжываннях, якія перажылі ў Тэзэ, і арганізацыям з па-за нашае Супольнасці, якія дзеляцца з намі крытычнымі парадамі.

Зараз, працягваючы Пілігрымку Даверу і сустрэчы, мы памятаем пра пакуты тых, чыім даверам злоўжывана, прыслухоўваючыся да заўваг і прапаноў, якія паступаюць звонку, і робячы ўсё магчымае, як у Супольнасці, так і ў нашае пастырскае місіі, каб учыніць Тэзэ бяспечным месцам для кожнага. Менавіта з такою пастановаю мы хочам працягваць рухацца наперад, з новым усведамленнем таго, чаго ад нас чакаюць.

брат Алоіс